موضوع: مهم لخدام ابتدائي السبت مارس 13, 2010 5:17 pm
مهم لخدام ابتدائي
احبائي و اخواتى خدام مراحل ابتدائي
كتير اوى بسمع شكاوى ان انا خادم ابتدائي و حاسس انى باخد بركة من الخدمة لكن الاستفادة الشخصية لي تكاد تكون منعدمة......... يا خدام ربنا دة يرجع ان احنا ما بنحضرش الدرس كويس....تقريبا بنحضره يوم الاربعاء او الخميس بالليل عشان نتقوله يوم الجمعة.....لأ لأ لأ أرجوكم خليكم متعمقين في الدروس لحياتكم و لعشرتكم بشخص الحبيب.....اقولكم ازاي مثلا انا عندى درس عن قصة حنانيا و سفيرة ....قبل ما تمسك القلم عشان تكتب الدرس كقصة.....ابتدي اقرأ الموضوع نفسه من الكتاب المقدس مرة و اتنين و تلاتة...و بلاش الروتين في القراية اقرا بعمق......و بعدين دور عن التفسير لهذا النص....هتقوللي مش هو دة اللي هقوله للاولاد....اقوللك دة ليك انت ..( اشبع انت من جوة عشان تعرف تتكلم بعمق و اولادك يحسوا بكدة)...امسك مثلا تفسير سفر أعمال الرسل للأنبا يوأنس اسقف الغربية المتنيح أو كتب ابونا تادرس.......اقرا و اشبع عشان تعرف تفيض على اولادك و تدوقهم حب ربنا.....
انت في النهاية هتحكى القصة بصورة مبسطة و لكن بعمق....خلي ليك العمق مع ربنا في اقل المواضيع......
الانتساب
موضوع: مهم لخدام ابتدائي 
